Ole Jakobsson (c1650-c1717) kom til Jogarden på Nes i Austefjorden på 1680-talet, og gifte seg her med odelstausa Marte Davidsdotter. Jogarden har vore eitt av dei gamle hovudbruka på Nes. Nes er nok ein gammal gard, og næraste nabo til Langvatn - truleg ein av dei eldste gardane i dalen. Voldasoga og Busetnadssoga er litt ueinige om Oles liv. Voldasoga 2 (s. 464) meiner han fyrst var gift med Marte, og deretter med Anne Andersdotter Langvatn, og at han døydde i 1720, og at Anne vart gift med neste brukar. Busetnadssoga 3 (s. 331) meiner han må han døydd kring 1717 sidan Marte Davidsdotter, som då vart enke, gifte seg med Iver Jørgensson Øye i Ørsta(?). Uansett er det skifte etter han 3. august 1720. Ole og Marte fekk minst 7 born saman; Knut (c1690), Kari (c1692), Ole (c1693), Brite (c1696), Ingrid (c1700), Jakob (c1701) og Anne (c1705). Ei anna opplysning om Ole Jakobsson er at han er eldste ane i rein farslinje til Per Aarviknes, sjølvaste forfattaren av Voldasoga.